काठमाण्डु– नारायणगढ मुग्लिन सडकखण्डमा गुडिरहेको कारमाथि ढुंगा खसेकाे छ ।

चितवनकाे ईच्छाकामना गाउँपालिका-५को तीन नम्बर पुल नजिकै मुग्लिङबाट नारायणगढतर्फ आउँदै गरेको बीएडी ८३२२ नं. को कारमाथि बिहान ८ बजे ढुंगा खस्दा कारमा सामान्य क्षति पुगेको छ ।

कार भरतपुर महानगरपालिका -२ बस्ने सन्तोष कचिलाले चलाएकाे र कारमा सामान्य क्षति भएको प्रहरीले जनाएकाे छ ।

असार २८ गते पनि सोही सडकखण्डमा यात्रुवाहक बसमाथि ढुंगा खस्दा चालकको मृत्यु भएको थियो ।