काठमाण्डु – प्रधानमन्त्री केपी शर्मा ओलीले शिक्षित मूर्ख नभई सज्जन र गुणवान मान्छे उत्पादन गर्न विश्वविद्यालयहरूले काम गर्नुपर्ने बताएका छन् ।

प्रधानमन्त्री निवास बालुवाटारमा सोमबार आयोजित सुुदूूरपश्चिम विश्वविद्यालयको १२औं सभामा कूलपति ओलीले समाजमा बढेको गलत प्रवृत्तिलाई चिर्न सक्ने, राम्रो, विकसित, आधुनिक र शान्तिपूर्ण समाज निर्माणका लागि शिक्षाले योगदान गर्न सक्नुुपर्ने बताए ।

‘गुरुहरूले ऋषिमन र भावका साथ काम गर्नुपर्छ । त्यसो भएमा चेलाहरूले गुरुहरूलाई मान्छन् । विद्यार्थीलाई शिष्ट, नम्र र शालिन हुन सिकाउन सक्नुपर्छ, नत्र समाज अनुकूूल शिक्षा हासिल भएको मान्न सकिँदैन,’ उनले भने ।

सुुदूरपश्चिम विश्वविद्यालयको स्थापना पूर्वको छलफलमा आफू सहभागी भएको उल्लेख गर्दै उनले सुदूरपश्चिमको संस्कृति र पन झल्कने खालको शिक्षा दिन पनि पदाधिकारीलाई आग्रह गरे ।

शिक्षा, विज्ञान तथा प्रविधिमन्त्री एवं सहकुलपति विद्या भट्टराई सहभागी सभामा उपकुलपति प्रा.डा. हेमराज पन्तले विश्वविद्यालयको समग्र अवस्था र रजिष्ट्रार प्रा. यज्ञराज पाठकले कार्यक्रम तथा बजेट सम्बन्धी प्रस्ताव प्रस्तुत गरेका थिए ।