काठमाण्डु – हुम्लामा घर सजावटका लागि माटो खन्ने क्रममा माथिबाट आएको मोटोको ढिस्कोमा पुरिएर दुई जनाको मृत्यु भएको छ ।

ताँजाकोट गाउँपालिकाका रोजगार शाखा सहसंयोजक रहेका अन्दाजी २५ वर्षीय प्राविधिक ध्रुव र सोही गाउँकी २४ वर्षीया मनसुरा मल्लको माटोको ढिस्कोले पुरिएर मृत्यु भएको जिल्ला प्रहरी कार्यालय हुम्लाका सुचना अधिकारी नरेन्द्र चन्दले जानकारी दिए ।

चन्दले ताँजाकोट गाउँपालिका–३ रामगाउँका उनीहरू दसैँमा घर सजावटका लागि बुधबार बिहान माटो खन्न गएका उनीहरूको माटो खन्नेक्रममा माथिबाट खसेको माटोको ढिस्कोमा परी मृत्यु भएको बताए ।

उनीहरूसँगै माटो लिन गएका लालबहादुर शाही घाइते भएको प्रहरीले बताएको छ ।