सिन्धुली – कमलामाई नगरपालिका–९ चेकपोष्टबाट अवैध लागूऔषध गाँजासहित प्रहरीले पिकअप चालकलाई पक्राउ गरेको छ ।

करीब १८५ किलोग्राम गाँजासहित चितवनको भरतपुर महानगरपालिका–६ बस्ने ३९ वर्षीय शेरबहादुर लामालाई प्रहरीले पक्राउ गरेको हो ।

ईलाका प्रहरी कार्यालय भिमानबाट खटिएको प्रहरी टोलीले चितवनबाट हेटौंडा, सिन्धुली हुँदै बर्दिबासतर्फ जाँदै गरेको बा.प्र.०३–००१ च २२८० नम्बरको पिकअप गाडीलाई जाँच गर्ने क्रममा गाडीमा फल्स बटम बनाई लुकाइछिपाई ल्याएको गाँजा फेला पारी चालक लामालाई पक्राउ गरेको छ ।

गाँजा सम्बन्धमा आवश्यक अनुसन्धान गरिरहेको प्रहरीले जनाएको छ ।