काठमाण्डु – इराकको उत्तरी प्रान्त किर्कुकमा गरिएको हवाई आक्रमणमा इस्लामिक स्टेट (आईएस) का ५ जना लडाकुको मृत्यु भएको इराकी सेनाले जनाएको छ ।

गुप्तचर रिपोर्टको आधारमा इराकी सेनाले शुक्रबार प्रान्तीय राजधानी किर्कुकको पश्चिममा रहेको दुर्गम क्षेत्रमा आईएस लडाकु लुकेको ठाउँमा हवाई आक्रमण गरेको इराकी संयुक्त अपरेसन कमान्डसँग सम्बद्ध मिडिया आउटलेट सुरक्षा मिडिया सेलले जनाएको छ ।

इराकी सेना र गुप्तचरको संयुक्त बलले शनिबार बम विस्फोट भएको स्थानमा ५ जना आतंककारीको शव फेला पारेको विज्ञप्तिमा उल्लेख गरिएको छ ।

विज्ञप्तिमा ४ राइफल, २ विस्फोटक बेल्ट, ६ वटा ह्यान्ड ग्रेनेड, गोलाबारुद लगायत सञ्चार उपकरणहरू पनि फेला पारेको उल्लेख गरेको छ ।

सन् २०१७ आइएसको पराजयपछि इराकको सुरक्षा स्थितिमा केही सुधार आएको थियो, यद्यपि अझै पनि शहरी तथा दुर्गम क्षेत्रहरूमा लुकेका आईएसका अवशेषहरूले सुरक्षा बल र नागरिकहरूविरुद्ध बारम्बार आक्रमण गर्दै आइरहेका छन् ।