काठमाण्डु – रामेछापको कुलगंगा गाउँपालिका वडा नम्बर ६ स्थित सिमलडाँडा भिरमामा भएको सवारी दुर्घटनामा ५ जनाको मृत्यु भएको छ । १४ सिट क्षमता भएको फोर्स गाडीमा ८ जना सवार थिए ।

रामेछापका डीएसपी प्रदीप सिंहले गाडी दुर्घटनामा ५ जनाको घटनास्थलमै मृत्यु भएको जानकारी दिए । गाडीमा सवार अन्य तीन जना घाइते भएको डिएसपी सिंहले बताए ।

गाडी सडकबाट करिब ३०० मिटर तल खसेको प्रहरीले जानकारी दिएको छ । थप विवरण आउन बाँकी छ ।