काठमाण्डु –एनपीएलको विजेता टीमले एक करोड ११ लाख रुपैयाँ पाउने भएको छ । आयोजक नेपाल क्रिकेट संघ (क्यान)ले आज पुरस्कारको घोषणा गरेको हो ।

क्यानका अनुसार उपविजेताले ५० लाख रुपैयाँ पाउने छ भने प्रतियोगिताको तेस्रो हुने टिमले ३० लाख र चौथो हुने टिमले २० लाख रुपैयाँ पाउनेछ ।

प्रतियोगितामा कुल आठ टिमले प्रतिस्पर्धा गर्दै छन् । प्रतियोगिताको पहिलो संस्करणमा विराटनगर किंग्स्, जनकपुर बोल्ट्स, चितवन राइनोज, काठमाडौं गुर्खाज, लुम्बिनी लायन्स, पोखरा एभेन्जर्स, कर्णाली याक्स र सुदूरपश्चिम रोयल्यले प्रतिस्पर्धा गर्दै छन् ।