काठमाडौं– चर्चित साढे ३३ किलो सुन तस्करी प्रकरणको अनुसन्धान गरिरहेको समितिले भारतको कोलकातामा साढे ३३ किलो सुनसहित दुई नेपाली पक्राउ परेको सूचना नेपालको सरकारी संयन्त्रले पाएको छ ।

सुन तस्कर चुडामणि उप्रेती ‘गोरे’को समूहले गत माघमा त्रिभुवन अन्तरष्ट्रिय विमानस्थलबाट पास गराएपछि हराएको भनिएको ३३ किलो सुन भारतको कोलकातामा फेला परेको हो । पक्राउ पर्नेमा इटहरीका राकेशप्रसाद र हेमकुमार शर्मा रहेका छन् । भारतको राजस्व अनुसन्धान विभागका अधिकारीहरुका अनुसार गत शुक्रबार उक्त सुन स्फ्टि कारको अगाडिको भागमा फल्स बटम बनाएर तस्करी भइरहेको थियो । कारबाट सुनका ३३ वटा बिस्कुट बरामद भएको हो ।

कलकत्तास्थित नेपाली महावाणिज्य दूतावासमा भारतीय पक्षले पत्राचार गरेपछि घटना बाहिर आएको हो । भारतीय अधिकारीहरुले बरामद गरेको सुन र नेपाली नागरिकका विषयमा जानकारी गराएका हुन् । सुन नेपालबाट भित्रिएको हुनसक्ने भारतीय पक्षको जानकारी पछि नेपालका अधिकारी समेत अनुसन्धानमा जुटेका छन् ।