परासी – पूर्वपश्चिम राजमार्गअन्तर्गत पश्चिम नवलपरासीको सुनवल नगरपालिका–७ अलकत्रे डाँडामा शुक्रबार सवारीसाधन दुर्घटना हुँदा २२ जना यात्रु घाइते भएका छन् ।

बर्दघाटबाट बुटवल जाँदै गरेको लु१ख ९४६७ नम्बरको माइक्रोबस र सुदूरपश्चिम प्रदेश ०१–००१ ख २४४२ नम्बरको ट्रक एकआपसमा ठक्कर खाँदा दुर्घटना भएको छ ।

साइकल यात्रीलाई ठक्कर दिएपछि अनियन्त्रित भएको माइक्रो बस ट्रकसँग ठक्कर खाएको प्रहरीले जनाएको छ ।

घाइतेमध्ये ६ जना गम्भीर रहेको र उपचारका लागि रुपन्देहीको भलुही भलुही मेडिकल कलेज लगिएको छ ।