काठमाण्डु-बागलुङको भुङ्खानीमा भएको दुर्घटनामा रुकुम पूर्व पुथा उत्तरगंगा गाउँपालिकाकी उपाध्यक्ष भुपेन्द्रा बुढामगरको मृत्यु भएको छ ।

दुर्घटनामा बुढामगरसहित ३ जनाको मृत्यु भएको जिल्ला प्रहरी कार्यालय बागलुङले जनाएको छ ।

बागलुङमा डीएसपी विजय यादवले शव फेला परेको मध्ये एकजना गाउँपालिका उपाध्यक्षको भएको जानकारी दिए । अन्य दुई जनाको सनाखत हुन सकेको छैन् ।

दुर्घटनामा परेको गाडी दुर्घटना पुथा उत्तरगंगा गाउँपालिकाका रहेको र गाडीमा गाउँपालिकाका जनप्रतिनिधि सवार रहेको प्रहरीले बताएको छ ।

लोकमार्गमा रा.१.झ.२०० नं.को सरकारी पिकअप गाडी सडकदेखि झन्डै ३०० मिटर तल खस्दा दुर्घटना भएको जिल्ला प्रहरी कार्यालय बागलुङले जनाएको छ ।