काठमाण्डु– धनकुटामा बोलेरो गाडी भीरबाट खसेको छ।

संखुवासभाको उम्लिङबाट इटहरी जाँदै गरेको को १ ज २१३७ नम्बरको बोलेरो गाडी धनकुटा नगरपालिका वडा नम्‍बर ६ फोक्लेन टापुमा ब्रेक फेल भएर भीरबाट खसेको हाे । गाडी भीरबाट करिब ९० मिटर तल खसेको छ।

जिल्ला प्रहरी कार्यालय धनकुटाका अनुसार गाडीमा चालकसहित १० जना सवार थिए।

त्यसमध्ये दुई जना बालक सामान्य घाइते भएका र उनीहरू जिल्ला अस्पतालमा उपचारपछि घर फर्किसकेका छन् ।