काठमाण्डु–दिपायल सिलगढी नगरपालिका–४ समूहगाडमा यात्रुवाहक बस दुर्घटना हुँदा १७ जना घाइते भएका छन् ।

धनगढीबाट दिपायलतर्फ आइरहेको शैलेश्वरी यातायातको ना५ख ४४५१ नम्बरको बस आज बिहान दुर्घटना भएको जिल्ला प्रहरी कार्यालयका सूचना अधिकारी भीमलाल भट्टराईले जानकारी दिए ।

दुर्घटनामा घाइते भएकाहरूको राजपुरस्थित सुजङ अस्पतालमा उपचार भइरहेको छ । बस सडकबाट करिब ३५ मिटर तल खसेको छ । बस सडकबाट करिब सय मिटर तल खसेको थियो। प्रहरीका अनुसार सडकबाट हुत्तिएको बस घरमा बजारिएको थियाे ।

बस घरमाथि बजारिँदा घरभित्र सुतिरहेकी एक महिला पनि घाइते भएकी छन्।

प्रहरीका अनुसार दिपायल सिलगढी–४ रेडियो नेपाल बस्ने अर्जुन ठोकरकी श्रीमती ५० वर्षीया सरु नेगी ठोकर घाइते भएकी छन्।

उनीहरू सुतिरहेका बेला बस बजारिएर घर भत्किँदा नेगी च्यापिएकी थिइन्। उनका दुवै खुट्टा र छातीमा चोट लागेको छ।