काठमाण्डु– बिहीबार नेपाली बजारमा सुनको भाउले नयाँ किर्तिमान कायम गरेको छ । निरन्तर उकालो लागेको सुनको भाउ आजपनि ३ सय रुपैयाँले बढेको छ ।

हिजो १ लाख ७० हजार ७ सय रुपैयाँमा कारोबार भएको सुन आज १ लाख ७१ हजारमा कारोबार हुँने नेपाल सुनचाँदी व्यवसायी महासंघले जनाएको छ ।

यस्तै आज चाँदीको भाउ भने घटेको छ । हिजो २ हजार १२० रुपैयाँमा कारोबार भएको चाँदीको भाउ आज तोलामा ३० रुपैयाँले घटेर २ हजार ९० रुपैयाँमा कारोबार हुँने महासंघले जनाएको छ ।