काठमाण्डु –नेपाल प्रिमिर लिग एनपीएलको उद्घाटन खेलमा जनकपुरले ८ विकेटको जित हात पारेको छ । विराटनगर किंग्सले दिएको १२७ रनको लक्ष्य जनकपुरले १५ ओभर ३ बलमा २ विकेट गुमाउँदै १३१ रन बनाएको हो।

जनकपुरका लागि लाहिरू मिलन्थाले अर्धशतक प्रहार गरे। उनले नटआउट ७५ रन जोड्ने क्रममा ५३ बलमा ९ चौका र ३ छक्का प्रहार गरे। हर्ष थाकरले नटआउट २९ रन जोडे। उनले ३३ बलमा २ चौका हिर्काए।

यसअघि टस हारेर पहिले ब्याटिङको निम्तो पाएको विराटनगर १९ ओभरमा १२७ रन जोडेर अलआउट भयो ।

विराटनगरका लागि मार्टिन गप्टीलले सर्वाधिक ५५ रन, अकिब इलियास १५ रन, लोकेश बम ५ रन, निकोलस किर्तन ९ रन, बसिर अहमद र सन्दीप लामिछाने समान ७ र राजेश पुलामी १ रनमा आउट भए। यस्तै प्रतिश जिसी २ रनमा बोल्ड आउट भए।

जनकपुरका लागि ललित राजवंशीले ३ विकेट लिए। हर्ष ठाकेर र किशोर महतोले समान २ विकेट झारे। मोहम्मद मोहसिन र वेन माइकले समान एक विकेट आफ्नो नाममा गरे।