एजेन्सी – इराकको राजधानी बगदादको ग्रीन जोनमा सोमबार दुई रकेटबाट हमला गरिएको छ । यद्यपि यो हमलामा कुनै हताहती भएको छैन । दुई मध्येका एक रकेट बगदादस्थित अमेरिकी दूतावासमा आएर झरेको थियो ।

बगदादको अति सुरक्षित मानिने ग्रीन जोनमा कयौं देशको दूतावास रहेका छन् । यहाँ सुरक्षा व्यवस्था पनि कडा रहेको छ । २०१९ को अक्टोबरपछि कयौं पटक यो क्षेत्रलाई निशाना बनाएर कयौं रकेट प्रहार भइसकेको छ ।

अमेरिकाले इरानी जनरल कासिम सुलेमानीको हत्या गरेपछि यो क्षेत्रमा तनाव हँुदै आएको छ । यसको बिरुद्धमा इरान समर्थित गुटले कयौं पटक यो क्षेत्रलाई निशाना बनाउदै आएका छन् ।