काठमाडौं –यूएस बंगला विमान दुर्घटनामा घाइते भएकी अछाम मंगलसेनकी प्रिन्सी धामीको उपचारको क्रममा मृत्यु भएको छ । भारतको नयांदिल्लीमा उपचारका क्रममा बिहीबार उनको निधन भएको पारिवारिक स्रोतले जनाएको छ ।

७१ जना सवार विमान त्रिभुवन अन्तर्रा्ष्ट्रिय विमानस्थनमा अवतरणका क्रममा फागुन २८ गते दुर्घटना भएको थियो । बंगलादेशको राजिव रवेडा मेडिकल कलेजबाट एमबीबीएस अन्तिम वर्षको परीक्षा दिएर फर्किने क्रममा उक्त विमान दुर्घटनामा उनीसहित २२ जना घाइते भएका थिए । विमानमा सवार अन्य ४९ जनाको सोहि दिन नै मृत्यु भएको थियो । घाइतेको मृत्यु हुने क्रम जारी नै छ ।

घाइते २२ जना मध्य अहिलेसम्म धामीसहित ३ जनाको मृत्यु भइसकेको छ । अन्तिम संस्कारका लागि उनको शव नेपाल ल्याउने तयारी भइरहेको आफन्त लक्षित केसीले जानकारी दिए ।