काठमाडौं– माओवादी केन्द्रका वरिष्ठ नेता नारायणकाजी श्रेष्ठले प्रधानमन्त्री शेरबहादुर देउवाको कडा शब्दमा आलोचना गरेका छन् । राप्रपा नेपालका अध्यक्ष कमल थापासहित ८ जनालाई प्रधानमन्त्री देउवाले मन्त्री नियुक्त गरेपछि श्रेष्ठले मन्त्रिपरीषद विस्तारको विरोध गरेका हुन् ।

पुर्व पररापष्ट्रमन्त्री समेत रहेका श्रेष्ठले ट्विट गर्दै मन्त्रीपरिषदको विस्तारले निर्वाचन आचारसंहितको ठाडो उल्लंघन गरेको आरोप लगाए । उनले प्रधानमन्त्री देउवाले हदैसम्मको अलोकतान्त्रिक काम गरेको बताए ।

श्रेष्ठले आगामी मंसिरमा हुने प्रदेश र संघको निर्वाचन सुनिश्चित र स्वच्छ नभए आफ्नो पार्टीलाई सह्य नहुने चेतावनी समेत दिएका छन् ।