काठमाडौं–स्पेनकी एक महिला अहिले सामाजिक सञ्जालमा छाइरहेकी छन्।

उनी सामाजिक सञ्जालमा छाउनुको कारण हो, अमेरिकी राष्ट्रपति डोनाल्ड ट्रम्पसँग धेरै आधारमा अनुहार मिल्दो जुल्दो हुनु।

गत साता इन्ट्राग्राममा डोलरेस लीजको तस्बिर सबैभन्दा पहिला सार्वजनिक भएको थियो। उक्त तस्बिरमा उनलाई खेतमा देखिएको थियो।

उनको काँधमा कोदालो जस्तो बस्तु पनि देखिएको थियो। यो पछि हजारौ मानिसले उनको तस्बिर शेयर गर्न सुरु गरेका थिए।

६४ वर्षिय यी महिला विस्तारै विस्तारै अन्तर्राष्ट्रिय मिडियामा पनि चर्चित भइन्। हाल आएर भने उनीसँग अमेरिकी नीति तथा अन्तर्राष्ट्रिय विषयमा प्रतिक्रिया माग्न थालिएको छ।

यद्यपि उनलाई भने यी सबै कुराको सट्टा आफ्नो आलुलाई लिएर चिन्ता बढ्दै गएको उनले बताइन्।