काठमाडौं– धरहरा क्षेत्रमा रहेका एक होटलसहित १३ वटा सटर डाेजर लगाएर भत्काइएको छ।

काठमाडौं महानगरपालिकाले होटल धरहरा हाउस क्याफेसहित १३ वटा सटर भत्काइएको हो।

महानगरका सूचना अधिकारी वसन्त आचार्यका अनुसारनगरकार्यपालिका बैठकको निष्कर्षसहित यस क्षेत्रमा रहेका रेष्टुरेन्ट, पसल, टहरा, जस्ता भौतिक संरचना भत्काइएको हो।

महानगरले टहरा, पसल, रेष्टुरेन्टमा प्रयोग भएका सामग्री हटाउन महानगरले शुक्रबार २४ घण्टे सूचना जारी गरेको थियो।

धरहरा सञ्चालनसम्बन्धी साइड वाकर्ससँग भएको सम्झौताको मूल विषय २०७२ सालको भूकम्पको क्षतिसँगै समाप्त भएको थियो।