पालुङटार– नेकपा माओवादी केन्दका वरिष्ठ नेता एवम् गोरखा जिल्ला क्षेत्र नम्बर (२ दुईको प्रतिनिधि सभा सदस्य उम्मेदवार नारायणकाजी श्रेष्ठ (प्रकाश) ले चुनाव पछि नेकपा एमालेसंग पार्टी एकता हुने बताउनुभएको छ ।

गोरखा जिल्ला क्षेत्र नम्बर (२ अन्तर्गतको पालुङटार (१० मिर्कोट बाघडाडाको चुनावी सभालाई सोमबार सम्बोधन गर्दै श्रेष्ठले चुनाव नजिक आएको कारण तत्काल पार्टी एकता हुन नसक्ने प्रष्ट पार्नुभयो ।

पार्टी एकताको लागि सबै तयारी पूरा भइसकेको छ श्रेष्ठले भन्नुभयो ‘एमाले र माओवादी मात्रै होइन अब सबै कम्युनिष्टहरु पार्टी एक हुनेछन ।’

मंसिर ९ गते पार्टी एकता हुने चर्चा भइरहेको बेला श्रेष्ठले चुनाव लगत्तै पार्टी एकता हुने अभिव्यक्ति दिनुभएको हो ।

पार्टी एकताको लागि केही प्राविधिक कुरा मात्रै बाकी रहेको बताउदै श्रेष्ठले सबै कुरा मिलिसकेको बताउनुभयो । बाम गठबन्धनको साझा उम्मेदवार श्रेष्ठले देशमा स्थायी सरकार, विकास र समृद्धिका लागि सम्पूर्ण कम्युनिष्टहरु एक भएको बताउनुभयो ।

कार्यक्रममा श्रेष्ठले संविधानलाई कार्यान्वयन गर्दै विकसित र सम्बृद्द नेपाल बनाउने अभियानमा जुट्ने प्रतिबद्धता व्यक्त गर्नुभयो ।  चुनावी सभामा गोरखा जिल्ला क्षेत्र नम्बर २ को १ का प्रदेश सभाका उम्मेदवार कमला नहर्कीले गोरखा जिल्लाको इतिहास कायम राख्न बाम गठबन्धनलाई बिजयी गराउन अपिल गर्नुभयो ।

काग्रेस परित्याग गरि दुई जना माओवादी केन्द्र प्रवेश

पालुङटार (१० मिर्कोट बाघडाडाका दुई जना काग्रेस स्थानीय नेता माओवादी केन्द्रमा प्रवेश गरेका छन । बाघडाडाका काग्रेस नेताहरु जस बहादुर तामाङ र राम बहादुर भारती सोमबार नेकपा माओवादी केन्द्र प्रवेश गरेका हुन ।

पार्टी प्रवेश गर्नेहरूलाई नेकपा माओवादी केन्द्रका वरिष्ठ नेता एवम् गोरखा जिल्ला क्षेत्र नम्बर (२ दुईको प्रतिनिधि सभा सदस्य उम्मेदवार नारायणकाजी श्रेष्ठ (प्रकाश) ले अबिरमाला लगाएर स्वागत गर्नुभएको थियो ।