एजेन्सी – लियोनल बेस्सी बार्सिलोनाबाट बाहिरिएका छन् । आइतबार औपचारिक रुपमा मेस्सी बार्सिलोनाबाट बाहिरिएका हुन् । बाहिरिने क्रममा उनी भावविह्वल बनेका थिए ।

पत्रकार सम्मेलनमा बोल्दै मेस्सीले बार्सासँगको यात्रा नटुंगिएको बताए । उनले आफू पुनः बार्सामा फर्किने प्रतिबद्धता व्यक्त गरेका छन् ।

‘म यो वर्ष बिदाईका लागि तयार थिइँन । एकदिन म फर्किनेमा आशावादी छु । म यो क्लबलाई उत्कृष्ट बन्नका लागि मद्दत गर्छु,’ उनले भने ।

मेस्सीले पिएसजीमा जाने सम्भावना रहेको बताएका छन् । अब कुन क्लबमा आबद्ध हुनुहुन्छ ? भन्ने प्रश्नमा उनले भने, ‘यो एक संभावना हो ।’

उनी २१ वर्षपछि बार्सिलोनाबाट बाहिरिएका हुन् । मेस्सी १३ वर्षको उमेरको हुँदा बार्सामा आबद्ध भएका थिए ।