काठमाण्डु – नेपाली बजारमा आज छापावाल सुनको मूल्य प्रतितोला २ सयले बढेको छ । केही दिन अघिदेखि लगातार बढिरहेको सुन आज पनि दुई सय रुपैयाँले उकालो लागेर ९४ हजार ६०० कायम भएको नेपाल सुनचाँदी व्यवसायी महासंघले जनाएको छ ।

पहेँलो धातु गत शुक्रबार प्रतितोला ९४ हजार ४०० मा कारोबार भएको थियो । त्यस्तै आज तेजाबी सुनको मूल्य प्रतितोला ९४ हजार एक सय रुपैयाँ कायम भएको छ । अघिल्लो दिन प्रतितोला ९३ हजार ९०० तोकिएको थियो ।

आज चाँदीको मूल्य शुक्रबारका तुलनामा १० ले उकालो लागेर एक हजार २९५ कायम भएको छ । चाँदी शुक्रबार प्रतितोला एक हजार २८५ मा कारोबार भएको थियो ।

महासङ्घले अन्तरराष्ट्रिय बजारमा हुने सुनचाँदीका मूल्यको उतारचढावका आधारमा नेपालमा दैनिक सुन तथा चाँदीको कारोबार मूल्य तोक्दै आएको छ । अन्तरराष्ट्रिय बजारमा आज सुन प्रतिऔंस एक हजार ८६४ डलर आसपासमा कारोबार भइरहेको छ ।