झापा– नेकपा एमालेका अध्यक्ष केपी शर्मा ओलीले आफ्नो निर्वाचन क्षेत्रमा चुनावी मैझारो गरेका छन् । झापा क्षेत्र नम्बर ५ बाट बाम गठवन्धनको तर्फबाट प्रतिनिधीसभाको लागी साझा उम्मेदवार रहेका ओलीले चुनावको मौन समयको दुई दिन अघि नै चुनावी प्रचार सकिएको घोषणा गरेका हुन ।
झापामा शनिवार आयोजित सभालाई सम्वोधन गर्दै ओलीले आफ्नो क्षेत्रका मतदातासंग चुनावपछि भेट्ने वाचा गर्दै चुनावी कार्यक्रम सकिएको घोषणा गरे ।
कार्यक्रममा ओलीले तराईका अन्य जिल्लामा समय दिनुपर्ने भएकाले दमकको शनिवारको कार्यक्रम नै आफ्नो अन्तिम कार्यक्रम भएको बताए । उनले आफ्नो क्षेत्रका मतदातालाई चुनावपछिको विजय उत्सवमा भेट्ने प्रतिवद्धता समेत व्यक्त गरे ।
ओलीसंग नेपाली कांग्रेसको तर्फबाट काठमाडौंको त्रिचन्द्र कलेजका प्राध्यापक समेत रहेका खगेन्द्र अधिकारी चुनावी प्रतिस्पर्धामा छन् ।
प्रतिक्रिया