एजेन्सी – वेस्ट इन्डिज क्रिकेट टिम पाकिस्तानविरुद्ध वान डे सिरिज नखेली फर्कने निर्णय गरेको छ । खेलाडीमा कोरोना संक्रमण देखिएपछि वेस्ट इन्डिज घर फर्किने भएको हो ।

६ जना खेलाडीमा कोरोना संक्रमण पुष्टि भएको जनाइएको छ । अन्तराष्ट्रिय सञ्चार माध्यमका अनुसार खेलाडीबाहेक राष्ट्रिय टिमका २ जना सदस्यलाई पनि कोरोना पुष्टि भएको छ ।

दुवै टिमको स्वास्थ्य सुरक्षालाई मध्यनजर गर्दै खेल स्थगित गरिएको हो । पाकिस्तान र वेस्ट इन्डिजबीचको एकदिवसीय शृंखला शनिबारदेखि हुने तय भएको थियो ।

शृंखला तत्कालका लागि स्थगित गरिएको र रद्द नगरिएको पनि दुवै देशका क्रिकेट बोर्डले जनाएका छन् । आगामी जुन महिनामा पुनस् शृखंला आयोजना गरिने बताइएको छ ।