काठमाण्डु- साताको पहिलो दिन सेयर बजार ओरालो लागेको छ । आज नेप्से परिसुचक ४१.४३ अंकले ओरालो लागेको हो । आज २६१३.६७ परिसूचक विन्दुबाट सुरु भएको कारोबार बजार बन्द हुने बेलासम्म २५७२.२३ अंकमा ओरालो लागेको छ । बजार घटेपनि आज कारोबार रकममा सुधार देखिएको छ ।

आज कारोबार भएका २ सय ३२ कम्पनीको सेयर कारोबारमा ४ अर्ब ९८ करोड ९५ लाख १४ हजार ४ सय १६ बराबरको सेयर खरिद बिक्री भएको छ । आज ८९ लाख २३ हजार १४ कित्ता सेयर ६२ हजार १ सय ६४ पटकको कारोबारमा खरिद बिक्री भएको छ । समूहगत परिसूचकमा निर्जीवन बीमा समूह समूहबाहेक अन्य १२ समूहको सेयर मूल्य घटेको छ ।

आजको कारोबारमा जीवन विकास लघुवित्तको सेयर मूल्यले सर्किट ब्रेक लागेको छ। अन्य बढी कमाउने कम्पनीमा इमर्जीङ नेपाल, राष्ट्र उत्थान लघुवित्त, सानिमा जेनरल इन्स्योरेन्स, जेनेरल इन्स्योरेन्स कम्पनी लगायतका कम्पनी रहेका छन् ।