काठमाण्डु – त्रिकोणात्मक टि-२० आई सिरिजको लिगमा अपराजित रहँदै नेपालले फाइनलमा स्थान पक्का गरेको छ । शनिबार भएको लिगको अन्तिम खेलमा मलेसियालाई ८६ रनले पराजित गर्दै नेपालले जितको श्रृंखलालाई कायमै राखेको हो ।

नेपालले दिएको २२४ रनको विशाल विजयी लक्ष्य पछ्याएको मलेसिया १९.५ ओभरमा अलआउट हुँदै १३८ रनमै समेटियो । मलेसियाका लागि ओपनर विरन्दीपसिंहले ४७ रन तथा कप्तान अहमद फैजले ३३ रन बनाउनुबाहेक अन्य ब्याट्सम्यान क्रिजमा टिक्न सकेनन् । यसअघिको खेलमा उत्कृष्ट प्रदर्शन गरेका सायद अजिज पनि आज १७ रनमै आउट भए । त्यस्तै, अ‍ैनोल हाफिजले रन जोडे ।

बलिङतफै नेपालका कप्तान सन्दीप लामिछानेले सर्वाधिक ३ विकेट लिए । त्यस्तै, कमलसिंह ऐरी र दीपेन्द्रसिंह ऐरीले समान २२ विकेट लिए ।त्यसअघि मलेसियासँग टस हारेर पहिला ब्याटिङको निम्तो पाएको नेपालले निर्धारित २० ओभरमा ४ विकेट गुमाउँदै २२३ रन बनाएको थियो । नेपालले अब सोमबार उपाधिका लागि पीएनजीसँग प्रतिस्पर्धा गर्नेछ ।