काठमाण्डु – इण्डियन प्रिमियर लिग आईपीएलमा आइतबार दुई वटा खेल हुने भएका छन् । आज भारतको मुम्बईस्थित वनखेडे स्टेडियममा हुने खेलमा सनराइजर्स हैदरावाद र रोयल च्यालेन्जर्स बैङ्गलोरबीच भिड्न्त हुनेछ ।

हैदरावाद र बैङ्गलोरबीचको खेल दिउँसो ४ बजे शुरु हुने जनाइएको छ । हैदरावाद छैटौँ जितको खोजीमा छ भने बैङ्गलोर सातौँ जितको खोजीमा रहेको छ । हैदरावाद १० अंकसहित अंक तालिकाको छैटौँ स्थानमा छ भने बैङ्गलोर १२ अंकसहित चौथो स्थानमा छ ।

मुम्बईको डी वाई पाटिल स्टेडियममा हुने अर्को खेलमा चेन्नाई सुपर किङ्ग्स र दिल्ली क्यापिट्ल्स राति पौने ८ बजे भिड्नेछन् । चेन्नाई चौथो जितको खोजीमा छ भने दिल्ली छैटौँ जित निकाल्न चाहन्छ । दिल्ली १० अंकसहित अंक तालिकाको पाचौँ स्थानमा छ भने चेन्नाई ६ अंकसहित तालिकाको नवौँ स्थानमा छ ।