काठमाण्डु- नेपाली बजारमा आज पनि सुनको मूल्य ओरालो लागेको छ । नेपाल सुनचाँदी व्यवसायी महासंघका अनुसार मंगलबार प्रतितोला ९८ हजार रुपैयाँमा कारोबार भइरहेको छापावाल सुनको मूल्य बुधबार तोलामा १ हजार रुपैयाँले घटेर ९७ हजार कायम भएको छ ।

तेजावी सुनको मूल्य तोलाको ९६ हजार ५ सय रुपैयाँ निर्धारण भएको छ । त्यस्तै, आज चाँदीको मूल्य पनि ओरालो लागेको छ । मंगलबार तोलामा एक हजार २७५ रुपैयाँमा कारोबार भएको चाँदी बुधबार ३० रुपैयाँले घटेर एक हजार २४५ मूल्य कायम भएको महासंघले जनाएको छ ।