काठमाडौं– भावी प्रधानमन्त्रीका रुपमा हेरिएका नेकपा एमालेका अध्यक्ष केपी शर्मा ओलीले कांग्रेस नेतृत्वको सरकारलाई सहयोग गर्न माओवादी केन्द्र नबाहिरिएको स्पष्ट पारेका छन् ।

बुधबार राजधानीमा आयोजित वाम गठबन्धनको विजयत्सव कार्यक्रमलाई सम्बोधन गर्दै अध्यक्ष ओलीले शेरबहादुर देउवा नेतृत्वको सरकारलाई सघाउन माओवादीले सरकार नछाडेको बताए ।

‘माओवादी सरकारमा किन बसिरहेको छ ? यो प्रश्न अहिले सुन्नमा आएको छ । हामी स्पष्ट पार्न चाहन्छौं । सरकारले माओवादीले साथ छाडेर कुनै असहयोग गर्यो भन्न नपाउओस र निर्वाचनलाई तथा सत्ता हस्तान्तरणमा कांग्रेसलाई सहयोग गर्न विनाविभागीय भएपछि माओवादी अपमान सहेर बसिरहेको छ ।’

ओलीले प्रधानमन्त्री शेरबहादुर देउवालाई राजीनामा दिएर नयाँ सरकार गठनको मार्ग प्रशस्त गर्न आग्रह समेत गरे ।