काठमाण्डु – दुबई पठाइदिन्छु भन्दै ठगी गर्ने एक जनालाई प्रहरीले पक्राउ गरेको छ ।  बुधबार प्रहरीले धादिङ जिल्लाको धुनिबेँसी गाउपालिका-९ घर भई हाल काठमाण्डु बस्दै आएका २७ वर्षीय विकास थापालाई ठगी गरेको आरोपमा पक्राउ गरेको हो ।

थापाले दुबईमा १ लाख भन्दा बढी तलब पाइने  होटलमा काम लगाई दिने प्रलोभनमा पारि दुई जनाबाट ११ लाख ठगी गरेको प्रहरीले जनाएको छ । दुबई जानका लागि प्रतिव्यक्ति ६ लाख लाग्ने भन्दै दुई जनाबाट ११ लाख ठगी गरेर उनी फरार भएका थिए ।  यसबारे थप अनुसन्धान भइरहेको प्रहरीले जनाएको छ ।