बारा- सशस्त्र प्रहरीको टोलीले नेपालबाट भारततर्फ अवैध रुपमा भन्सार छली लैजादै गरेको सेतो मरिच बरामद गरेको छ । सशस्त्रले बाराको नानसाग्रा घाटमा नम्बर प्लेट नभएको टयाक्टरबाट भारत लैजादै गरिरहेको ११ लाख ५० हजार बराबररको सेतो मरिच बरामद गरेको हो ।

सशस्त्र प्रहरीको विओपी पिपरपातीबाट खटिएको सशस्त्र प्रहरी हवल्दार श्री बहादुर रोक्काको टोलीले उक्त सामान बरामद गरेको डिआईजी कविन्द्रमान श्रेष्ठले जानकारी दिए ।

सशस्त्रले बरामद गरिएको मरिच र टेक्टर आवश्यक प्रक्रिया पुरा गरी भन्सार कार्यालयमा बुझाउने डिआईजी श्रेष्ठले बताए । सशस्त्रको टोली देखेपछि टेक्टरका चालक भने फरार बनेका थिए ।