काठमाण्डु – प्रहरीले व्यापारी लाल मोहम्मद अन्सारीको हत्यामा संलग्न तीन जनालाई पक्राउ गरेको छ । प्रहरीले घटनामा सुटरहरूलाई पेस्तोल उपलब्ध गराउने वीरगन्जका मोहम्मद महारामसहित ३ जनालाई पक्राउ गरेको हो ।

पक्राउ परेकामध्ये २ पुरुष र एक महिला रहेका छन् । गत ३ असोजमा काठमाण्डुको गोठाटारस्थित कृष्ण मन्दिर नजिकै व्यापारी अन्सारीको गोली प्रहरी गरि हत्या गरिएको थियो । मोटरसाइकलमा आएका व्यक्तिले गोली हानेर फरार भएका थिए।

भारतीय गुण्डा नितिन मदनको योजनामा भएको भनिएपनि उनलाई पक्राउ गरिएको हो वा होइन भन्ने खुलेको छैन्। प्रहरीले पक्राउ परेका व्यक्तिबारे पत्रकार सम्मेलन गरेर जानकारी दिने बताएको छ ।