काठमाडाैं–रौतहटको गौर नगरपालिका ४ स्थित लालबकैया नदीकाे टिकुलिया घाटमा डुंगा पल्टिएकाे छ।

लालबकैया नदीमा शनिबार बेलुका  आएको बाढीले डुंगा  पल्टाउँदा  कम्तिमा ३५ जना बेपत्ता भएका छन्   डुंगामा ४० जना भन्दा बढी सवार रहेकाेमा ५ जना पौडिएर बाहिर आएकाे र बाँकीको बेपत्ता रहेकाे राैतहटका एसपी केदार ढकालले  जानकारी दिए।

बन्जारा गाउँबाट टिकुलिया तर्फ आउँदै गरेको डुंगा ललबकैया नदिमा आएको बाढीले बगाएको हो ।  घट्नास्थलमा नेपाल प्रहरी, सेना,  सशस्त्र प्रहरीको टोली पुगेको छ ।

प्रमुख जिल्ला अधिकारी गोविन्दप्रसाद रिजाल र एसपी ढकाल समेत गएका छन् ।  घटना करिब साडे ७ बजे भएको थियो।