काठमाण्डु – रक्षामन्त्री हरिप्रसाद उप्रेती भारत भ्रमणमा जाने भएका छन्। रक्षामन्त्री उप्रेती फागुन १ गते भारत भ्रमणमा जान लागेका हुन् ।

मन्त्रिपरिषद्को बैठकले रक्षामन्त्री उप्रेतीको भारत भ्रमणलाई स्वीकृत गरेको सञ्चार तथा सूचना प्रविधिमन्त्री एवं सरकारकी प्रवक्ता रेखा शर्माले जानकारी दिइन् ।

उनका अनुसार रक्षामन्त्री उप्रेती दुई देशको सुरक्षासम्बन्धी नियमित बैठकमा सहभागी हुनेछन् । रक्षामन्त्री फागुन ५ गते स्वदेश फर्किने छन्।