काठमाण्डु – एसिया कप क्रिकेटमा नेपालविरुद्ध खेलिरहेको पाकिस्तानी टीमका कप्तान बाबर आजमले शतक पूरा गरेका छन् ।

पाकिस्तानका लागि ४२ औं ओभरको खेल खेलिरहँदा बाबरले शतक पूरा गरेका हुन् ।

शतकीय यात्रा पूरा गर्दासम्म बाबरले १०९ बल खेलेका छन् । उनले १० चौकाको मद्दतले शतक पूरा गरेका छन् ।

नेपालविरुद्ध पाकिस्तानले ४१.२ ओभर खेल्दासम्म ४ विकेट गुमाएर २२५ रन बनाएको छ ।

खेलमा पाकिस्तानले टस जितेर पहिले ब्याटिङ गर्ने निर्णय गरेको थियो ।

पाकिस्तानको मुल्तान क्रिकेट रंगशालामा पाकिस्तानका कप्तान बाबर आजमले टस जितेर पहिला ब्याटिङ गर्ने निर्णय लिएका थिए । नेपालले बलिङ गरिरहेको छ ।