काठमाण्डु- टी २० विश्वकप छनोट प्रतियोगिताको सेमिफाइनल खेल अन्तर्गत नेपाल र संयुक्त अरब इमिरेट्स (यूएई) बीच प्रतिस्पर्धा भइरहेको छ । यूएईले टस जितेर पहिले ब्याटिङ गरिरहेको छ ।

यसैबीच यूएईले लगातार आफ्नो पहिलो र दोस्रो विकेट गुमाएको छ । यूएईले पहिलो विकेटका रुपमा ओपनर ब्याट्सम्यान खालिद शाहलाई गुमाएको हो । उनलाई सोमपाल कामीले रन आउट गराएका हुन् ।

त्यसलगत्तै यूएईको दोस्रो विकेटका रुपमा ओपनर मुहम्मद वसिम पेभेलियन फर्किएका हुन् । कप्तान समेत रहेका वसिम २६ रन बनाउँदै आउट भए । उनलाई सोमपाल कामीले करण केसीद्वारा क्याच गराएका हुन् । आज विजयी हुने टिम विश्वकममा छनोट हुनेछ ।