काठमाडौं – स्वचालित पेस्तोलसहित जिल्ला प्रहरी कार्यालय पर्साले एक जनालाई पक्राउ गरेको छ।  चेकजाँच गर्ने क्रममा पर्सा प्रहरीले मंगलवार साँझ पर्सा पर्टेर्वासुगौलि गाउँपालिका वडा नम्वर ४ वस्ने २५ वर्षीय मनोज पासवानलाई पक्राउ गरिएको प्रहरीले जनएको छ ।

शंकास्पद रुपमा सुगौली गाउँदेखि निचुटातर्फ पैदल हिँडिरहेको अवस्थामा खानतलासी गर्दा मेड इन यूएसए लेखिएको पेस्तोल भेटिएको प्रहरीको भनाइ छ ।
त्यस्तै उनको साथबाट खालि म्यागजिन एक थान फेला पारेको हो। पासवानलाई नियन्त्रणमा लिई थप अनुसन्धान भइरहेको प्रहरीले जनाएको छ।