एजेन्सी – इन्डिगोको विमानमा एक यात्रुले पाइलटमाथि कुटपिट गरेको भिडियो सामाजिक सञ्जालमा भाइरल भइरहेको छ ।

भिडियोमा देखिए अनुसार पाइलटले विमान उडान ढिलो भएको घोषणा गरिरहँदा एकजना व्यक्ति दौडिएर उनलाई थप्पड हानेका थिए । यसपछि एक यात्रुले हस्तक्षेप गरेर व्यक्तिलाई फिर्ता लैजान्छन्। यसै क्रममा आक्रमण गर्ने व्यक्तिले भन्छन्– ‘उडान चाहन्छौ भने उडाऊ, नत्र ढोका खोलेर जान देउ ।’

भिडियोमा एउटी महिलाको आवाज सुनिएको छ– ‘तिमीले जे गर्यौ त्यो गलत हो ।’