काठमाडौं– उपप्रधानमन्त्री एवं राष्ट्रिय प्रजातान्त्रिक पार्टीका अध्यक्ष कमल थापाले सत्तारुढ कांग्रेसमाथि गम्भीर आरोप लगाएका छन्।

शहीद दिवसको अवसरमा मंगलबार आयोजित कार्यक्रममा थापाले कांग्रेसको सत्तालिप्साका कारण मुलुक संकटको चक्रब्युहमा परिरहेको आरोप लगाए।

पछिल्लो समय एमाले–माओवादी केन्द्र लगायत दलहरुले कांग्रेसलाई सत्तालिप्सामा चुर्लुम्म डुबेको आलोचना गरिरहेका छन्। तर, उपप्रधानमन्त्रीले नै दिएको उक्त अभिव्यक्तिलाई अर्थपूर्ण रुपमा लिइएको छ।

अध्यक्ष थापाले विगतको त्रुटीले नेपालको राष्ट्रिय एकता र अखण्डतामा प्रश्न चिन्ह उठेकोले भ्रष्टाचार बढ्दै गएको पनि बताए।