काठमाण्डु- नेपालले आईसीसी यू-१९ विश्वकपमा पाकिस्तानसँग टस जितेर पहिला ब्याटिङ गर्ने निर्णय गरेको छ । बुधवार दक्षिण अफ्रिकाको बफेलो पार्क इस्ट लन्डनमा भएको टसमा नेपालका कप्तान देव खनालले टस जितेर पहिला ब्याटिङ गर्ने निर्णय लिएका हुन् ।

नेपाल पहिलो खेलमा न्युजिल्यान्डसँग ६४ रनले पराजित भएको थियो । नेपाल पाकिस्तातानलाई हराउँदै सुपर सिक्स पुग्ने सम्भावना बलियो बनाउने रणीतिमा छ ।

नेपालले आज हारे पनि अन्तिम खेलमा शुक्रबार अफगानिस्तानलाई हराएमात्रै पनि सुपर सिक्समा पुग्ने समीकरण छ । पाकिस्तानविरुद्धको खेलमा तीन खेलाडी परिवर्तन गरेको छ। पाकिस्तानविरुद्धको खेलमा दीपक डुम्रे, विपिन रावल र दुर्गेश गुप्ताले अवसर पाएका छन्।