काठमाण्डु – क्यानडा विरुद्धको १ दिवसीय शृंखलामा नेपालले सानदार जीत निकालेको छ ।

सोमबार भएको खेलमा अनिल साह र भीम सार्कीको कीर्तिमानी साझेदारीसँगै नेपालले क्यानडा विरुद्धको अन्तिम खेल ९ विकेटले जितेको छ ।

नेपालका लागि अनिल र भीमले शतक प्रहार गरेका छन् । ओपनर अनिल १२४ बलमा १२ चौका र २ छक्कासहित ११२ रनमा अविजित रहे भने १२९ बल खेलेका भीम ११ चौका र १ छक्कासहित १०१ रनमा अविजित रहेका छन् ।

यसअघि ओपनर कुशल भुर्तेल १३ रन बनाएर ‘आउट’ भएका थिए । नेपालले पहिलो खेलमा ७ रनको रोमाञ्चक जीत हात पारेको थियो भने दोस्रो खेल ४ विकेटले जितेको थियो ।

नेपालले फागुन ३ गतेदेखि आईसीसी लिग–२ को खेल खेल्दैछ । नेपालले नामिबिया र नेदरल्यान्डसँग आईसीसी लिग–२ को खेल खेल्नेछ । लगत्तै नामिबिया र नेदरल्यान्डसँगै टी–२० सिरिज खेल्नेछ ।