काठमाडौं– स्याङ्जाको चापाकोट नगरपालिकाका मेयर शिवकुमार गिरी कालिकोटमा कुटिएका छन्। नेपाली कांग्रेसबाट निर्वा्चित स्याङ्जास्थित चापाकोट नगरपालिकाका मेयर शिव गिरीको टोली रारा भ्रमणका क्रममा झगडा गर्दा उनीसहित केही घाइते भएका हुन्।

स्याङ्जाबाट करिब तीन दर्जनको टोलीसहित गिरीको टोली रारा भ्रमण गएका थिए। भक्तपुरबाट गएको टोलीसँग गिरीको समूहको मादक पदार्थ सेवन गरेपछि झगडा भएको बताइएको छ। रारा भ्रमण गरी फर्कने क्रममा बास बसेको होटलमा दुई पक्षबीच झगडा भएको थियो। झगडाका क्रममा भएका घाइतेहरुको कालिकोटस्थित अस्पतालमा उपचार भइरहेको छ।

सरकारी खर्चमा भ्रमण गएका गिरीको टोलीसँग कालिकोट सदरमुकामस्थित सनलाइट होटलमा झगडा भएको थियो। मेयर गिरीको टाँउकोमा चार टाँका लगाएको कालिकोटका प्रमुख जिल्ला अधिकारी चन्द्रबहादुर कार्कीले जानकारी दिए।

घाइतेहरुलाई जिल्ला अस्पताल र कुटपिट गर्नेहरुलाई प्रहरी कार्यालयमा राखिएको बताइएको छ। दुवै पक्षका नै घाइते भएका थिए। सात जनालाई प्रहरी कार्यालयमा राखिएको छ भने आधा दर्जन उपचाररत रहेका छन्।