काठमाण्डु – बर्नहार्ट विद्यालय तथा कलेजले २५ जना विद्यार्थीलाई पूर्ण छात्रवृत्ति दिने घोषणा गरेको छ । वल्खुमा रहेको कलेजले आगामी शैक्षिक सत्र कक्षा ११ मा भर्ना हुनका लागि आउने विद्यार्थीहरुलाई लक्षित गर्दै घोषणा गरेको हो ।

कलेजका प्रबन्ध निर्देशक नवराज अधिकारीले यो छात्रवृत्ति कक्षा ११ र १२ दुबैमा लागू हुने जानकारी दिए । पूर्ण छात्रवृत्ति योजना प्राप्त गर्नका लागि माध्यामिक शिक्षा (एसईई) परीक्षामा ४ जिपिए अनिवार्य गरिएको उनले बताए ।

कलेजमा ४ जिपिए ल्याएका पहिला भर्ना हुन आउने २५ जनाले बर्नहार्ट विद्यालय तथा कलेजमा कक्षा ११ र १२ निःशुल्क अध्ययनको अवसर पाउने छन् ।