काठमााण्डु- युरोकप फुटबलमा पोर्चुगल र टर्की विजयी भएका छन् । जर्मनीमा भइरहेको प्रतियोगितामा गएराति भएको समूह ‘एफ’ को खेलमा पोर्चुगलले चेक रिपब्लिकलाई २–१ गोलले हरायो । यस्तै यही समूहको अर्को खेलमा टर्कीले जर्जियालाई ३–१ गोलले पराजित गर्‍यो ।

युरोकपमा बुधबार दोस्रो चरणको पहिलो खेलमा नेपाली समयअनुसार बेलुका पौने ७ बजे क्रोएसिया र अल्बानिया खेल्दैछन् । यसअघि भएको पहिलो चरणको खेलमा क्रोएसिया स्पेनसँग र अल्बानिया इटालीसँग हारेका थिए ।

यस्तै राति पौने १० बजे जर्मनी र हङ्गेरी तथा राति पौने १ बजे स्कटल्याण्ड र स्वीट्जरल्याण्ड खेल्दैछन् । यसअघि जर्मनीले स्कटल्याण्डलाई हराएको थियो भने हङ्गेरी स्वीट्जरल्याण्डसँग पराजित भएको थियो ।