काठमाण्डु- नेपाली राष्ट्रिय क्रिकेट टोली स्वदेश फर्किएको छ । टी-२० विश्वकपमा सहभागी भएको नेपाली क्रिकेट टोली बुधबार राति र आज बिहान गरी दुई वटा समूहमा बाँडिएर स्वदेश फर्किएको हो ।

अन्य खेलाडी काठमाण्डु आइपुगे पनि स्पीनर सन्दीप लामिछाने भने शनिबारसम्म आइपुग्ने छन्। टीमका अन्य सदस्य अमेरिका भएर नेपाल आएका थिए ।

सन्दीपसँग अमेरिकाको भिसा नभएकाले उनी अर्को रुटबाट आउनु परेकाले शनिबार काठमाण्डु आइपुग्ने छन् । उनी अब क्यानडाबाट आउने छन् ।

जुन १४ मा दक्षिण अफ्रिकासँगको रोमान्चक खेलमा १ रनले पराजित भएसँगै नेपाली टोली विश्वकपको समूह चरणबाटै बाहिरिएको थियो। समूह चरणको त्यस्तै अन्तिम खेलमा बंगलादेशसँग २१ रनले पराजित भएसँगै विश्वकप यात्राको अन्त्य भएपछि नेपाली टोली स्वदेश फर्किएको हो ।