काठमाण्डु – स्थानीय बजारमा सुनको मूल्य प्रतितोला एक सयले बढेको छ । नेपाल सुनचाँदी व्यवसायी महासंघले आइतबार प्रतितोला एक लाख ४६ हजार दुई सयमा कारोबार भएको छापावाला सुन आजका लागि एक लाख ४६ हजार तीन सय निर्धारण भएको जानकारी दिएको छ ।

त्यस्तै, आइतबार प्रतितोला एक लाख ४५ हजार पाँच सयमा कारोबार भएको तेजाबी सुन आज एक लाख ४५ हजार छ सय निर्धारण भएको महासंघले जनाएको छ ।

चाँदीको मूल्य प्रतितोला २० ले घटेको छ । आइतबार प्रतितोला एक हजार आठ सय १० मा कारोबार भएको चाँदी आजका लागि एक हजार सात सय ९० निर्धारण गरिएको छ ।