काठमाण्डु-अमेरिकाको टेक्ससमा लुटेराहरूको एक समूहले एक जना नेपालीको हत्या गरेका छन् ।

स्थानीय सञ्चारमाध्यमका अनुसार टेक्ससको वेको सिटी नजिक हाइवे–३५ मा रहेको ग्यास स्टेशनमा काम गर्ने ३० वर्षीय दीपक वलीको हत्या भएको हो । उनी रुकुम बाँकेकोटका स्थानीय हुन् ।

लुटेरा समूहले उनको गोली हानी हत्या गरेका हुन् । हत्यामा तीन जना लुटेराको समूह संलग्न रहेको स्थानीय प्रहरीले जनाएको छ ।

अधिकारीहरूका अनुसार घटनाको बारेमा उनको परिवारलाई जानकारी गराइसकिएको छ । अहिले घटनाको अनुसन्धान भइरहेको छ ।