काठमाण्डु – स्थानीय बजारमा सुनको मूल्य आज तोलामा चार सयले वृद्धि भएको छ । नेपाल सुनचाँदी व्यवसायी महासंघले आइतबार प्रतितोला एक लाख ४५ हजार सात सयमा कारोबार भएको छापावाला सुन आजका लागि एक लाख ४६ हजार एक सय निर्धारण भएको जानकारी दिएको छ ।

आइतबार प्रतितोला एक लाख ४५ हजारमा कारोबार भएको तेजाबी सुन आजका लागि एक लाख ४५ हजार चार सय निर्धारण भएको छ ।

त्यस्तै, चाँदीको मूल्य तोलामा १० ले वृद्धि भएको छ । आइतबार प्रतितोला एक हजार सात सय ४० मा कारोबार भएको चाँदीको मूल्य आज एक हजार सात सय ५० निर्धारण भएको छ ।