दाङ-दाङमा खोलाले यात्रु बोकेको अटो बगाएको छ । यात्रुसहित अटो बगाउँदा कम्तिमा ३ जना बेपत्ता भएका छन ।

तुलसीपुर उपमहानगरपालिका–४ मा बेतनी खोला र ७मा रहेको रानीघाट खोला (कालाखोला)ले दुई वटा अटो बगाएको हो ।

शुक्रबार परेको अविरल वर्षाका कारण आएको बाढीले यात्रु बोकेको अटो बगाउँदा अटोमा सवार यात्रु खोलामा बेपत्ता भएको इलाका प्रहरी कार्यालय तुलसीपुरले जनाएको छ ।

तुलसीपुरबाट खाद्रे जादै गरेको रा १ ह ४०५५न.को अटो बेतनी खोलामा बगेको हो । उक्त अटोमा ५ जना सवार थिए । बगाएको अटो र त्यसमा सवार यात्रुको खोजी कार्य भइरहेको छ ।

खाद्रे बस्ने छबिलाल आलेकी श्रीमती ५५ वर्षीया सिता आले र सुर्खेत घर भइ हाल खाद्रे बस्ने १७ वर्षीया मन्जु खड्कासहित बेपत्ता भएको र अन्य चालकसहित ३ जनालाई उद्धार गरिएको प्रहरीले जनाएको छ ।

यसै गरी तुलसीपुर घोराही सडक खण्डको कालाखोला रानीघाट खोलाले पर्सेनीबाट तुलरीपुर आउदै गरेको अटो बगाएको छ । अटो र त्यसमा सवार सबै दुई जना बेपत्ता भएको प्रहरीले जनाएको छ । अटो नम्बर भने खुल्न सकेको छैन ।