काठमाण्डु – नजिकिँदै गरेको तीजलाई लक्षित गरेर गीतकार प्रीतम श्रेष्ठले पहिलोपटक आफ्नै संगीत र शब्दमा रहेको नयाँ तीज गीत ‘माथि माथि माया बग्छ’ म्युजिक भिडियोसहित सार्वजनिक भएको छ ।

गीतमा गायिका शान्तिश्री परियारको सुमधुर स्वर सुन्न सकिन्छ । गीतमा माधव भण्डारीको संगीत संयोजन रहेको छ ।

म्युजिक भिडियोमा जुना विश्वकर्मा र सुरेश कोहलीको अभिनय छ । प्रविन थापाको कोरियोग्राफी र निर्देशनमा भिडियो तयार पारिएको छ ।

गीतकार श्रेष्ठ हाल सान फ्रान्सिस्को क्यालिफोर्नियामा बसोबास गर्दै क्यालिफोर्निया राज्यको डाटा एनालिस्टको रूपमा काम गर्दैछन्, विदेशी भूमिमा रहेर व्यस्त कामका बावजुद पनि नेपाली संस्कृति, परम्परा र महिलाको सम्मानलाई प्राथमिकता दिँदै उनले गीत तयार गरेका छन् ।

आजकाल धेरै तीजका गीतहरू केवल पैसा र भ्यूजको लागि बनाइरहेको समयमा गीतकार प्रीतम श्रेष्ठले मौलिकता र सांस्कृतिक महत्त्वलाई प्राथमिकता दिएका छन् । उनले यसअघि २ गीतहरू ‘मायालु’ र ‘तिमी हिँड्ने गल्ली’ सार्वजनिक गरिसकेका छन् ।